....الدنيا زي المرجيحة فيها تحت وفوق
..فيها خلق عايشة ومرتاحة وفيها ناس مش زوء
وانا قاعد اتمرجح فيها من تحت....لفوق
!!سالخير....من زمان ماحكيت ولا تحلطمت ولوهلة بس..احس اني وحشــتـنـي مدري ليه
الفترة الاخيرة هذه كانت بالنسبة لي مرحلة صمت....صمت رهيب مدري ليه والى متى بيستمر
اعرف شيء واحد فقط
تويتر
وكل وسائل التواصل الاجتماعي ماعادت تفيدني في هاللحظة
انا جدا محبط...احاول اخفي انكساراتي وراء وجه جامد...وابتسامة كذابة و (ايجابية) حامت كبدي منها
في الفترة الماضية... راكضت في البنوك لتخليص معاملاتي
وحاولت كل مافيني لأتخلص من الاسياء المتراكمة في حياتي
كل شيء
عواطف
اغراض
كتب
ملابس
طموح
اصدقاء
مهمات معلقة
وديون
كل شي ممكن اتخيله واحسه انه مشكّل عبء علي في حياتي
...الصدق؟ لا أزال اشعر اني مهموم.....واليوم بالذات
احس انه فيني شي انكسر داخلي فجأة
تعبت من طموحي اللي مدري كيف باقدر اوصل له
...
يارب وراه طيب ما خليت الا هالطموح (بالذات) اللي ابيه يتحقق؟
عمري ماكنت مثل ذا البزران...اللي تبي تصير (عروسة) واللي تبي تصير مدري وشو
كل طموحي كان انه اكمّل دراستي
واحصل على الدكتوراه
...
حاليا.... حاولت بكل مافيني
تمرمطت في البنوك لاخذ كشف الحساب المشترط عليه لاكمال الماجستير
وتمرمطت بالجامعة عشان رسائل التوصيات وعشان كشف الدرجات
وتمرمطت بالحياة ، في هذا الدوام المقرف اللي تضيع فيه 9 ساعات ونص من يومي
في عمل (اللاشيء)!!و هذا بحد ذاته يقتل
انك تشوف كل شي حولك يقتل طموحك (شوي) شوي
وتشوف اهلك يستهينون بقدرتك على فعل ذلك
وكل شيء يتقفل بوجهك
كل شيء جالس يعاندني
لما قررت اني اعمل الصواب
اختصرت صداقات بعض الاشخاص، ومحيت اخرين من حياتي
لانه كان الصح اني اعمل كذه
ورجعت استعيد نفسي القديمة اللي افتقدتها من سنوات طويلة
لكن بعدين؟
متى يارب؟
