وترقب الجميع العد التنازلي لايام رجب..وشعبان بفارغ الصبر... الدشير فجأة صاروا يرسلون لنا مسجات يقولون فيها (حللوني) ومن هاك الخرابيط وانا انواع اللامبالاة والسفه الاليم ...يعني من جد... طوول هالسنة وانتي لعنبو دارتس ماغير تحشين في كل العالم وتقطعين في لحوم العالم والحين يوم قرّب شهر شعبان (شهر تجديد الاقدار والحيوات) جاتنا تقول حللوني؟
يوم انك خايفة من الموت ماجا في بالك انه ممكن يجي في غير شهر شعبان مثلا؟
مدري هالتفكير البزرنجي حق العالم اللي حولي من جد يرفع ضغطي
اكره النفاق في العبادات
واكره النفاق في كل شي
واللي يسوونه هالخمّة (نوع) من النفاق اللي مايترقّع
لا يقبل عند الله
ولا يقبله احد من البشر
باختصار كذه
ما انكر ان شهر رمضان سبحان الله يحل عينا سريع كضيف مستعجل مايمديه جلس الا راح
شهر رمضان افتقدت فيه اشياء كثيرة
ولربما لان الدنيا تغيرت وكل شي اختلف ما صار له نفس الطعم؟
الحمدلله الذي بلغنا رمضان هذه السنة معافين مشافين
الله يرحم من لم يحضره
الاموات الله يرحمهم ويغفر لهم ويسبغ على قبورهم نورا من الدعوات
رمضان هالسنة مختلف نوعا ما
انا تغيرت
الاولاد كبروا
والاموات لا زالوا اموات
وبصراحة فيه حركة وصخة اكرهها برمضان الا وهي (زحمة المسلسلات) ذي
يعني الله يلعن اشكالكم ياليهود (وهم ليسوا بيهود للاسف) ياعرب يا جرب
يا بقر ياللي ماعندكم سالفة الا التغريب فقط
السنة بكبرها عندكم. 12 شهر فيها
بامكانكم كل شهر تطلعون مسلسل بدال هالمسلسلات المدبلجة شغل (زوووول) ماله خلق يفكر ولايكتب
مافهمت ليه التركيز العجيب هذا في شهر رمضان من بد غيره
انا كالعادة. ... ما ادري وش سالفة هالمسلسلات وهم فعلا اكبر همي
ما ادري بالله ليش اعور قلبي طول 30 يوم المفترض انه اريح هالقلب فيه واقرا كلام رب العالمين
واخلي كلام رب العالمين واروح اطالع مسلسل كويتي فاشل
فيه 20 ممثل وممثلة
3 منفخين براطمهم
و 4 مسويين شفط وتجميل
و 2 مسويين تشويه
والقصة فاشلة وركيكة حتى بزر بالروضة يكتب احسن منها
والاحداث غبية وسامجة وتمطمط في الاحداث بس عشان يكمل له 30 حلقة
اللهم لا شماتة
يارب لاتواخذنا بما فعله السفهاء منا
سوريا من جهة اخرى
(اللهم انصر عبادك) على من تطاول وظلم
اللهم انصر عبادك على الاسد
اللهم ادخل شهداؤهم الجنة
وامن قلوبهم وروعاتهم
ربي ان هذا شهرك.... وهؤلاء عبادك
ونحن ندعوك دعاء المسكين الملتجيء لبابك
اللهم عليك بهم فإنهم لايعجزونك
سبحان الله.... من جد... يعني ما ادري هو اللي جالس يسويه بشار الى متى؟
فكرة متطرفة وغباء قائد كلفت البشرية اكثر من 50 مليون قتيل في الحرب العالمية
وهتلر اخرتها انتحر
بشار على هاللي جالس يسويه ، وكأنه غير راض عن مكانه (في النار) بل يطمح الى (الدرك الاسفل)
ويبحث عنه بجدارة...يعني حسبي الله عليه... ما كأن عنده بزران؟
ماكأن عنده أهل واخوان؟
مري كيف سبحان الله البني ادم ممكن يطغى ويقتل اذا وصل للسلطة وكأنه مولود ومجبول عليها
الحيوان ذا كان مصطفى...... ما عنده الا ابو يصفق فيه لغباؤه منذ الطفولة
والدنيا ومفارقاتها العجيبة ....وحكم رب العالمين
اخذ امانته في ابوه فما كان قدام الشعب الا ان ينتخب هالمصطفى الاهبل
ولرب العالمين حكمة....انا انتظرها بفارغ الصبر
ما حط هالبشار في هالمكان الا امتحان
ربي اعطاك سلطة فتجبرت وطغيت وقتلت و شردت
ياعظم الحساب يوم الحساب على رؤؤس الاشهاد
الله لا يحطنا مكانك يا الثور
- خبر عاجل للتو-
بشار يعلن رغبته في التنحي بطريقة حضارية....
ابدا ماقتل الملايين ولا شرد الالاف؟
كان يلعب ....والا مجرد مزح؟
يخرررررررررررررب بيتك يا بشار
هذا مجرد دعاء مني انا وانا (صيام)
يارب يارب يارب
يارب لاتواخذنا بما فعله السفهاء منا
فيني حشة مع اني (صيام)
عندي اخ...ما اشوفه يمسك القران الا في شهر رمضان
مدري المفترض افرح والا ....احطه تحت لستة (المنافقين) اللي قلت عنهم قبل كذه؟
فكرة انك كمان طول السنة ماتدري عن الله وين حاطك ومن ثم من اول يوم اشوفك مرتز وماسك المصحف؟
قووووووووووووية ذي... والله ماتجي يا اخوي
اللهم اني صائم
******
الجوع مو مرة ذابحني الحين ولكن ارغب في مكرونة ملقلقة وفيها من البشميل والصوص والتشيز ما يسيح لعابي
اااااااااه اللهم اني صائم
